Tingnan
Ulat ng Consumer Social Intelligence 2023
Mga Paraan ng Pagbabayad
Pilipinas | 01 Aug 2023 - 30 Sept 2023
Dahil sa seguridad at convenience, pinipili ang app-based na pagbabangko kaysa sa mga pagpunta sa branch.
2.6k
Mga post
Ipinapakita sa chart na ito ang bilang ng mga post mula sa pangunahing search query kung saan binabanggit ang mga partikular na paraan ng pagbabayad at ang % ng mga pag-uusap na nauugnay sa bawat paraan. Kasama ang mga Pag-share/Pag-retweet.
Natutunan
-
Dumami nang 16% ang mga usapan tungkol sa credit card noong Agosto – Setyembre kumpara noong Mayo–Hunyo, na may halos 1.5K mention. Katumbas ito ng 57% ng lahat ng usapan tungkol sa Mga Paraan ng Pagbabayad.
-
Ang pagdami ng mga post tungkol sa credit card ay dahil sa pagdami ng mga usapan sa mga forum at sa Reddit, kung saan mas masigla ang mga pag-uusap kaysa sa Twitter dahil sa long-form na format. Nanghingi ang mga user ng payo tungkol sa kung paano gumamit ng mga credit card nang may pagtuon sa seguridad ng transaksyon. May mga idinulog na alalahanin tungkol sa kawalan ng mga kahingian sa PIN, at mas pinili ng mga user ang mga credit card kaysa sa mga debit card, at binigyang-diin nila ang mas magagandang panseguridad na feature ng mga ito.
-
Binigyang-diin ng mga feedback ng mga customer sa mga bangko ang pangangailangan ng mga convenient na protocol para sa seguridad. Ikinatuwa nila ang awtomatikong pag-block ng transaksyon kung sakaling may mga kahina-hinalang aktibidad, pero nagpahayag din sila ng pagkadismaya, lalo na tungkol sa mga kasunod na bayarin at kahirapan sa pagbabayad. Para sa mga user, nakakasagabal ang direktang pakikipag-ugnayan sa mga bangko at hinikayat nilang mag-integrate ang mga bangko ng mga praktikal na alternatibo, gaya ng in-app na opsyon sa pag-lock at pag-unlock ng card.
-
Kapag pumipili ng bangko, pinapahalagahan ng mga dayuhang nakatira sa Pilipinas ang convenience, hindi mabusising proseso, murang bayarin, at mga secure at online na pag-transfer ng currency. Iminungkahi ng ilan na pumili ng mga lokal na branch ng mga bangkong ginagamit nila sa pinagmulang bansa nila, pero tinukoy ng iba ang mga hamon sa pagpapaapruba at mga pagkakaiba sa mga serbisyo at pamamaraang panseguridad. Dahil dito, inirekomenda nilang gamitin ang mga mas versatile na e-wallet at online na bangko, pati na ang mga tradisyonal na bank account.
Nagpakita ng interes ang mga user na may kamalayan sa seguridad sa pag-block ng credit card at mga secure na payment gateway sa gitna ng mga dumaraming cyber threat.
Mga trending/lipas nang salita at parirala – Mga Paraan ng Pagbabayad mula Agosto ‘23 – Setyembre ‘23
Fading
Trending
Ipinapakita ng word cloud na ito ang mga pinakakaraniwang salita at parirala mula sa yugto ng panahong ito. Kapag mas malaki ang salita/parirala, mas madalas itong lumabas sa paglipas ng panahon. Ang mga salita/parirala sa kaliwa ay "lipas na" (hindi na masyadong ginagamit) at ang mga nasa kanan ay "trending" (mas ginagamit).
Ang Sinasabi ng mga Tao
Ulat ng Consumer Social Intelligence 2023
Mga Uri ng Panloloko
Pilipinas | 01 Aug 2023 - 30 Sept 2023
Habang mas nagiging advanced ang teknolohiya, ikinakatakot ng mga consumer ang mga lumilitaw na banta sa seguridad ng credit card..
1.3k
Mga post
Ipinapakita sa chart na ito ang bilang ng mga post mula sa pangunahing search query kung saan binabanggit ang mga partikular na uri ng panloloko at ang % ng mga pag-uusap na nauugnay sa bawat uri. Kasama ang mga Pag-share/Pag-retweet.
Natutunan
-
Ang pagkawala o pagnanakaw ng card ang pinakalaganap na alalahanin sa pag-uusap tungkol sa Mga Uri ng Panloloko, na katumbas ng 41% ng mga post at mention. Nanghingi ang mga user ng payo mula sa mga bangko tungkol sa pangangasiwa ng card at binigyang-diin nila ang panganib ng pagkuha ng mga magnanakaw ang data ng card. Isa ring alalahanin ang pagkawala ng telepono dahil sa mga awtorisasyon sa mobile na transaksyon, na nag-udyok ng mga suhestyong paigtingin ang seguridad ng SIM card.
-
Laganap din ang mga usapan tungkol sa identity theft/phishing na katumbas ng 38% ng lahat ng mention. Nakatuon ang mga ito sa data theft sa pamamagitan ng pagpapanggap bilang mga financial institution sa pamamagitan ng iba’t ibang channel, gaya ng social media, mga pagtawag sa telepono/SMS at mga email. Binalaan ng mga user ang isa’t isa laban sa pagbubunyag ng anumang personal na data, PIN, o mga One Time Password (OTP) sa mga hindi awtorisadong source.
-
Ang mga usapan tungkol sa pagkawala ng card at identity theft ay indikasyon ng pagtaas ng generic/iba pang panloloko, na nagpapahiwatig ng paglitaw ng mga bagong banta. Sa isang diskarte, nilinlang ng mga scammer ang mga online seller sa pag-refund ng mga pekeng sobrang bayad o pagbabayad ng mapanlokong bayarin na pinagmukhang bayarin sa pag-upgrade sa pang-negosyong account. Isinagawa ang business account fraud sa pamamagitan ng isang email na nagpapanggap bilang PayPal, na nag-udyok sa mga user na “mag-upgrade sa pang-negosyong account” para padaliin ang kanilang mga transaksyon. Kapag alam nila ang mga panganib na nauugnay sa mga pekeng resibo ng pagbabayad, posibleng maiwasan ng mga consumer ang mga direktang pag-transfer sa bangko o platform na hindi nila pinagkakatiwalaan. Marami ang pumipili sa mga karaniwang paraan gaya ng mga credit card at gateway na may maigting na proteksyon laban sa panloloko. Mukhang napalakas ng mga SMS at e-mail notification o in-app confirmation pagkatapos ng isang transaksyon ang tiwala ng consumer sa pamamagitan ng pag-verify ng mga tunay na pagbabayad at pagdaragdag ng seguridad.
-
Nagpahayag ang mga consumer ng alalahanin tungkol sa mapanlokong paggamit ng mga advanced na teknolohiya, gaya ng AI-powered na pag-decipher ng data ng credit card. Karaniwang nagta-transfer muna ang mga scammer ng maliliit na halaga para subukan ang validity ng card. Naging mas malalaking kawalan ang mga trial na transaksyong ito kung hindi made-detect nang maaga ang mga ito. Ibinahagi ng mga user ang kanilang mga karanasan para magbigay-kaalaman, at hinikayat nila ang mga issuer at customer na manatiling alisto sa mga kahina-hinalang transaksyon.
-
Nagkaroon ng mga alalahanin tungkol sa mga sweeper bot sa mga finance at cryptocurrency forum, na awtomatikong nagde-detect at nagnanakaw ng pondo mula sa mga vulnerable na digital wallet. Ayon sa usapan, pinakamalaking banta ang mga ito sa mga user ng cryptocurrency. Gayunpaman, puwedeng i-target ng mga automated na tool na idinisenyo para samantalahin ang mga vulnerability ang iba’t ibang online ecosystem at puwede itong maging alalahanin para sa sinumang nagbabayad online. Nanghingi ang mga tao ng kaalaman at payo tungkol sa bagong banta. Kasama sa mga rekomendasyon ang paggamit ng mga hardware wallet, pag-iwas sa mga kaduda-dudang download, at pagprotekta sa sensitibong personal na impormasyon.
Dahil sa mga alalahanin sa seguridad ng card, nag-aalinlangan ang mga consumer na mag-withdraw ng pera sa mga shop kumpara sa mga ATM.
Mga trending/lipas nang salita at parirala – Mga Uri ng Scam mula Agosto ‘23 – Setyembre ‘23
Fading
Trending
Ipinapakita ng word cloud na ito ang mga pinakakaraniwang salita at parirala mula sa yugto ng panahong ito. Kapag mas malaki ang salita/parirala, mas madalas itong lumalabas sa paglipas ng panahon. Ang mga salita/parirala sa kaliwa ay "lipas na" (hindi na masyadong ginagamit); ang mga nasa kanan ay "trending" (mas ginagamit).
Ang Sinasabi ng mga Tao
Ulat ng Consumer Social Intelligence 2023
Pagpigil sa Panloloko
Pilipinas | 01 Aug 2023 - 30 Sept 2023
Ang SIM Registration Law ay itinuturing na mahalagang hakbang para matugunan ang cybercrime, pero inaasahang magkakaroon ng mga karagdagang pagkilos.
0.5k
Mga post
Ipinapakita sa chart ang bilang ng mga post mula sa pangunahing search query kung saan binabanggit ang mga partikular na paraan ng pagpigil sa panloloko at ang % ng mga pag-uusap na nauugnay sa bawat paraan. Kasama ang mga Pag-share/Pag-retweet.
Natutunan
-
Sa pag-uusap tungkol sa Pagpigil sa Panloloko, nakatuon ang 70% ng post sa data privacy. Noong nag-post ang mga customer ng mga tanong sa social media, binanggit ng mga bangko ang Data Protection Act at idinirekta nila ang mga customer sa mga mas secure na channel. Nagsagawa rin sila ng mga campaign na nagbibigay-kaalam kung saan binigyang-diin ang kahalagahan ng proteksyon ng data.
-
Sa pag-uusap tungkol sa pagtugon sa panloloko, nagpetisyon ang isang ahensya ng pamahalaan para sa mas malaking pondo para labanan ang cybercrime matapos mabiktima ng mga scammer ang isang natutukoy na indibidwal. Dahil dito, nagkaroon ng debate sa social media [1], kung saan pinuri ng ilan ang pag-uudyok para sa mas maigting na pagpapatupad ng batas at itinuring nilang hindi sapat ang SIM Registration Law. Ipinahayag ng iba na sapat ang mga kasalukuyang pamamaraang panseguridad at hindi lang talaga maalam ang mga nagbahagi ng mga OTP.
-
Ipinahayag ng isang ahensya ng pamahalaan na napakadaling magparehistro ng SIM card gamit ang pekeng ID, kung kaya, nagkaroon ng mga tanong tungkol sa kamakailang inilunsad na SIM Registration Law.
-
Ipinagbigay-alam ng mga bangko at e-wallet provider sa mga user ang iba’t ibang isyu kasama ang mga panganib na nauugnay sa mga device na nagbibigay sa isang user ng hindi nililimitahang kontrol sa lahat ng function at software ng device. Kadalasang ginagawa ito ng mga consumer para i-customize ang mga device nila, pero nakokompromiso nito ang kanilang seguridad. Nagbahagi ng payo sa mga campaign na nakatuon sa customer at sa pamamagitan ng pagsagot sa mga tanong ng mga consumer sa social media.
Sa mga social media account ng mga institusyon, pinayuhan nila ang publiko na protektahan ang kanilang personal na data.
Mga trending/lipas nang salita at parirala – Pagpigil sa Panloloko mula Agosto ‘23 – Setyembre ‘23
Fading
Trending
Ipinapakita ng word cloud na ito ang mga pinakakaraniwang salita at parirala mula sa yugto ng panahong ito. Kapag mas malaki ang salita/parirala, mas madalas itong lumalabas sa paglipas ng panahon. Ang mga salita/parirala sa kaliwa ay "lipas na" (hindi na masyadong ginagamit); ang mga nasa kanan ay "trending" (mas ginagamit).
Ang Sinasabi ng mga Tao
